Դմիտրի Պեսկով. Ուկրաինային ԱՄՆ օգնության նոր փաթեթը հիմնովին չի փոխի իրավիճակը մարտի դաշտում
«Ուկրաինային ԱՄՆ-ի օգնության նոր փաթեթն էապես չի փոխի իրավիճակը ռազմի դաշտում»,- հայտարարել է ՌԴ նախագահի մամուլի քարտուղար Դմիտրի Պեսկովը։
Նրա խոսքով, Ռուսաստանի զինված ուժերը բարելավում են իրենց դիրքերը և ընդհանուր դինամիկան այժմ բացարձակապես պարզ է բոլորի համար։
«Սա սկզբունքորեն չի փոխի իրավիճակը ռազմի դաշտում… Իհարկե, հատկացված գումարներն ու զենքերը, որոնք կմատակարարվեն այս գումարով, չեն փոխի այս դինամիկան, դա նոր զոհեր կբերի ուկրաինացիների շրջանում, ավելի շատ ուկրաինացիներ կմահանան. . Ուկրաինան մեծ կորուստ կունենա»,- ասել է Պեսկովը։
Միաժամանակ Պեսկովը նշել է, որ հատկացված միջոցների մեծ մասը այսպես թե այնպես կմնա ԱՄՆ-ում։
«ԱՄՆ-ն կհարստանա, լրացուցիչ դիվիդենտներ կստանա՝ օգնելով Ուկրաինային։ Սկզբունքորեն ոչինչ չի փոխվի»,- ասել է Կրեմլի ներկայացուցիչը։
ԱՄՆ Կոնգրեսի Ներկայացուցիչների պալատը շաբաթ օրը հաստատել է Ուկրաինային 61 մլրդ դոլարի օգնությունը։ Վոլոդիմիր Զելենսկու խոսքով՝ այս աջակցությունը կուժեղացնի Ուկրաինայի զինված ուժերը և Կիևը հաղթելու հնարավորություն կունենա։