Ռուսաստանը մտադիր է զարգացնել հարաբերությունները Հայաստանի և Ադրբեջանի հետ,- հայտարարել է Կրեմլի խոսնակ Դմիտրի Պեսկովը ԱՄՆ փոխնախագահ Ջեյ Դի Վենսի Ադրբեջան և Հայաստան այցի ժամանակ։

Ըստ Պեսկովի, Ռուսաստանը շահավետ համագործակցություն ունի Հայաստանի և Ադրբեջանի հետ գրեթե բոլոր ոլորտներում, և Մոսկվան մտադիր է շարունակել այդ համագործակցությունը։

«Մենք ունենք երկկողմ հարաբերությունների լայն շրջանակ և՛ Բաքվի, և՛ Երևանի հետ, որոնք ընդգրկում են բոլոր հնարավոր ոլորտները։ Սա ներառում է փոխշահավետ առևտրատնտեսական համագործակցություն, երկկողմ ներդրումներ և մշակութային հարաբերություններ։ Իհարկե, մենք մտադիր ենք զարգացնել այս հարաբերությունները մեր գործընկերների հետ այնպես, որ դա փոխշահավետ լինի ոչ միայն մեզ համար, այլև նրանց համար», – ասել է Պեսկովը։

Ըստ Պեսկովի, Հայաստանը և Ադրբեջանը ինքնիշխան պետություններ են և, համապատասխանաբար, ունեն լիակատար իրավունք հարաբերություններ հաստատել ցանկացած երկրի, այդ թվում՝ Միացյալ Նահանգների հետ։ Բացի այդ, Կրեմլի խոսնակը նշել է, որ Եվրասիական տնտեսական միության դերը Հայաստանի արագ տնտեսական զարգացման գործում ակնհայտ է, և Ռուսաստանը հույս ունի, որ կազմակերպության շրջանակներում Հայաստանի հետ համագործակցությունը կշարունակվի։