Ռուսաստանը և ԱՄՆ-ն դեռ չեն սկսել նախապատրաստվել Վլադիմիր Պուտինի և Դոնալդ Թրամփի Բուդապեշտում կայանալիք հանդիպմանը: Ինչպես հայտարարել է Կրեմլի խոսնակ Դմիտրի Պեսկովը, գագաթնաժողովի նախապատրաստական ​​աշխատանքները դեռևս լիարժեք չեն սկսվել:

«Իհարկե, բոլորը հետևում են նախագահների տված հրահանգներին, բայց նման լայնածավալ բանակցությունները, բարձր մակարդակի հանդիպման համար համապատասխան պայմանները պատրաստելու թիմային աշխատանքը դեռևս չեն սկսվել: Դրանք կսկսվեն հիմա», – ասել է Պեսկովը:

Ինչպես հայտնի է, ԱՄՆ-ի և Ռուսաստանի նախագահները հեռախոսազրույցի ժամանակ համաձայնել են անձնական հանդիպում անցկացնել: Դոնալդ Թրամփը հույս ունի, որ Բուդապեշտի գագաթնաժողովից հետո հնարավոր կլինի վերջ դնել Ռուսաստան-Ուկրաինա պատերազմին: Գագաթնաժողովից առաջ պետք է անցկացվի նաև երկու երկրների արտաքին գործերի նախարարների մակարդակով խորհրդակցական հանդիպում, չնայած այս հանդիպման ամսաթիվը այս փուլում անհայտ է: