Կրեմլը պատրաստ է պատվիրակություն ուղարկել Մինսկ՝ Ուկրաինայի հարցով բանակցություններ վարելու համար, հայտարարել է նախագահի մամուլի խոսնակ Դմիտրի Պեսկովը։

«Ի պատասխան Զելենսկու առաջարկի՝ Վլադիմիր Պուտինը պատրաստ է ռուսական պատվիրակություն ուղարկել Մինսկ՝ Ռուսաստանի պաշտպանության նախարարության, արտաքին գործերի նախարարության և նախագահի աշխատակազմի ներկայացուցիչների մակարդակով՝ ուկրաինական պատվիրակության հետ բանակցելու համար», – ասել է Պեսկովը։

Նրա խոսքով՝ Վլադիմիր Զելենսկին այսօր պատրաստակամություն է հայտնել քննարկել Ուկրաինայի չեզոքության կարգավիճակը։

«Սկզբում Ռուսաստանի Դաշնության նախագահ Վլադիմիր Պուտինը հայտարարել էր, որ գործողության նպատակն է օգնել Լուգանսկի Ժողովրդական Հանրապետությանը և Դոնեցկի Ժողովրդական Հանրապետությանը, այդ թվում՝ Ուկրաինայի ապառազմականացման և ապապետականացման միջոցով։ Սա ինքնին չեզոք կարգավիճակի անբաժանելի մասն է», – ասել է Պեսկովը։

Ըստ խոսնակի՝ Բելառուսի նախագահը վստահեցրել է Վլադիմիր Պուտինին, որ կստեղծի բոլոր պայմանները բանակցությունների համար։