ՌԴ Անվտանգության խորհրդի փոխքարտուղար Դմիտրի Մեդվեդևը հայտարարում է, որ Ռուսաստանը «ցամաքով կվերադարձնի Եվրոպայում սառեցված ակտիվները»։

Սակայն Մեդվեդևը նշում է, որ ինքը Դոնբասը չի նկատի ունենում, քանի որ, իր կարծիքով, այս հողերն արդեն պատկանում են Ռուսաստանին։

«Մենք ակտիվները վերադարձնելու միայն մեկ ճանապարհ ունենք։ Դրանք վերադարձնել բնեղենով։ Այսինքն՝ «ուկրաինական հողերով» և այս հողի վրա գտնվող այլ շարժական և անշարժ գույքով», – գրել է Մեդվեդևը Telegram ալիքում։

Մեդվեդևը պատասխանել է այն հաղորդագրություններին, որ Մեծ Բրիտանիան Ռուսաստանի սառեցված ակտիվներից մեկ միլիարդ ֆունտ ստեռլինգ օգնություն է փոխանցել Ուկրաինայի զինված ուժերին։

Նախկին Ռուսաստանի նախագահի խոսքով՝ սա նշանակում է, որ «բրիտանացի գողերը ռուսական գումար են փոխանցել նեոնացիստներին»։ Մեդվեդևի խոսքով՝ Մեծ Բրիտանիան ստիպված կլինի դրա համար վճարել «բրիտանական թագի զարդերով»։

«Ռուսական միջոցների անօրինական բռնագրավումը կամ դրանցից ստացված եկամուտը պետք է վերածվի երկրի լրացուցիչ տարածքների կամ այլ գույքի 404։ Կամ բրիտանական թագի զարդերը հետ վերցնելով։ Այս արժեքավոր իրերը բավարար են տարբեր վայրերում, այդ թվում՝ Ռուսաստանում», – գրում է Մեդվեդևը։