Դմիտրի Մեդվեդև. Ռուսաստանը պատրաստ է բանակցություններ վարել Կիևի հետ առանց նախապայմանների
Ռուսաստանի Անվտանգության խորհրդի նախագահի տեղակալ Դմիտրի Մեդվեդևի հայտարարությամբ՝ Ռուսաստանը պատրաստ է Կիևի հետ բանակցությունների առանց նախապայմանների։
Այս մասին Մեդվեդևը հայտարարել է Սանկտ Պետերբուրգում անցկացվող իրավաբանական ֆորումում ունեցած ելույթի ընթացքում։
«Ռուսաստանը դա բազմիցս նշել է՝ մենք պատրաստ ենք բանակցել առանց նախապայմանների, սակայն՝ հաշվի առնելով տեղում առկա իրողությունները և արդեն ձևակերպված առաջարկները։ Նման բանակցությունները կարող են հանգեցնել խաղաղության», – ասել է նա։
Մեդվեդևի խոսքով՝ խաղաղությունը պետք է հիմնված լինի այն պայմանների վրա, որոնք ավելի կամ պակաս ընդունելի են բոլոր շահագրգիռ կողմերի համար։
«Հակառակ դեպքում դա պարզապես զինադադար կլինի, որն օգտագործվելու է ռազմական ներուժի վերականգնման և մարտական գործողություններին վերադառնալու համար», – հավելել է նա։
Նա նաև նշել է, որ Ուկրաինական կողմում չկա լիազորված անձ, ով իրավասու կլինի խաղաղության պայմանագիր կնքելու համար։
«Շատ անգամ է ասվել, որ գործող ուկրաինական ռեժիմի կազմում չկան մարդիկ, որոնք լիազորված են խաղաղության պայմանագրի կնքման համար։ Սա մեծ խնդիր է», – հայտարարել է Դմիտրի Մեդվեդևը։