Դմիտրի Կուլեբա. Ուկրաինան դիմել է ՄԱԿ-ի Արդարադատության միջազգային դատարան, մենք պնդում ենք, որ Ռուսաստանը խախտել է Ցեղասպանության կոնվենցիան
Ուկրաինան դիմել է ՄԱԿ-ի Արդարադատության միջազգային դատարան՝ Ռուսաստանի կողմից Ցեղասպանության մասին կոնվենցիայի խախտման հարցով։ Այս մասին «Twitter»-ում հայտնել է Ուկրաինայի արտաքին գործերի նախարար Դմիտրի Կուլեբան։
«Ուկրաինան հուշագիր է ներկայացրել ՄԱԿ-ի Արդարադատության միջազգային դատարան։ Մենք պնդում ենք, որ Ռուսաստանի Դաշնությունը խախտել է Ցեղասպանության մասին կոնվենցիան՝ հիմնավորելով իր ռազմական ագրեսիան «ցեղասպանության մեջ» Ուկրաինային անհիմն մեղադրելով», – ասել է Կուլեբան։
Կուլեբայի խոսքով, սա կարևոր քայլ է Ռուսաստանի Դաշնությանը պատասխանատվության ենթարկելու և պատճառված վնասը փոխհատուցելու համար։