«Վրաստանում ընտրությունները համապատասխանել են բոլոր համապատասխան չափանիշներին, հարգվել են եվրոպական, ժողովրդավարական արժեքները, ամեն ինչ եղել է կանոններին համապատասխան»,- ասել է միջազգային փորձագետների խմբի ներկայացուցիչ Ֆանի Լայկոն։

Նրա խոսքով՝ ընտրողները կարող էին ընտրատեղամասերում քվեարկել առանց խոչընդոտների, բռնություն չի եղել։

«Մենք եղել ենք հինգ ընտրատեղամասերում, այդ թվում՝ երկուսը Թբիլիսիում, երեքը՝ մարզերում։ Այսօր մենք տեսանք շատ ազատ և արդար ընտրություններ։ Ընտրողները ոչ մի խոչընդոտ չեն ունեցել: Բոլոր քաղաքացիները կարող էին հեշտությամբ քվեարկել: Մենք բռնություն չենք տեսել, ամեն ինչ կատարյալ է արվել։ ԿԸՀ-ի աշխատակիցները պրոֆեսիոնալ են աշխատել: Կարելի է ասել, որ ընտրությունները համապատասխանել են բոլոր համապատասխան չափանիշներին և հարգվել են եվրոպական, ժողովրդավարական արժեքները։ Ամեն ինչ կանոնների համաձայն էր»,- ասել է Ֆանի Լայկոն։