«Ժողովրդի ուժ» կուսակցության նախագահ Դիմիտրի Խունդաձեի խոսքով՝ Վրաստանի դեսպան Թամար Տալիաշվիլիի և ԱՄՆ նախագահ Դոնալդ Թրամփի հանդիպումը Սպիտակ տանը դրական քաղաքական քայլ է, որը կշահի Վրաստան-ԱՄՆ հարաբերություններին։

Նրա գնահատմամբ՝ «ընդդիմությունը շոկի մեջ է, որ նման բարձր մակարդակով հանդիպում կայացավ»։

«Այս հանդիպումն ունի բարձր քաղաքական արժեք։ Սա վկայում է, որ վրաց-ամերիկյան հարաբերությունները կանցնեն դրական ուղով։ Հանդիպման ժամանակ համաձայնեցվել է, որ պետք է մշակվի կոնկրետ գործողությունների ծրագիր, որը կկատարեն երկու կողմերն էլ։ Ես հավատում եմ, և դա կտեսնենք, որ ընդդիմությունը շոկի մեջ ընկավ, հատկապես նախընտրական շրջանում, որ նման բարձր մակարդակով հանդիպում տեղի ունեցավ։ Դա նրանց շահերին չի համապատասխանում։ Սա ոչ միայն նրանց, այլև Վրաստանի չբարյացակամ ուժերի շահերին ամբողջությամբ հակասում է, բայց սա բարձր, դրական քաղաքական քայլ է, որը կշահի Վրաստան-ԱՄՆ հարաբերություններին», – հայտարարել է Խունդաձեն։

Վրաստանի դեսպան Թամար Տալիաշվիլին Սպիտակ տանը հանձնեց հավատարմագրերը ԱՄՆ նախագահ Դոնալդ Թրամփին։