Ըստ Աքերմանի սցենարի՝ ընդդիմությունը հետևում է հեղափոխության զարգացմանը, լրատվամիջոցների հետ զրույցում ասել է «Ժողովրդի ուժ» կուսակցության գլխավոր քարտուղար Դիմիտրի Խունդաձեն։

Խունդաձեն հանրահավաքին մասնակցող երիտասարդներին և նրանց ծնողներին զգույշ լինելու կոչ է անում և նշում, որ ընդդիմությունը կարող է նրանց դեմ օգտագործել իրենց անկեղծ էմոցիաները։

«Քաղաքական փոքրամասնությունն արդեն մոռացել է վրացական օրենքը և դրա «ռուսականությունը»՝ ընդհանրապես չեն մտել դրա բովանդակության մեջ, հիմա էլ չեն պատրաստվում։ Նրանք հետեւում են հեղափոխության զարգացմանը՝ ըստ Աքերմանի սցենարի։ Հոգեէմոցիոնալ պայթյունի զոհ են ուզում: Նրանց այս մտադրությունները վտանգավոր են, ինչպես նաև անընդունելի։ Այդ իսկ պատճառով երիտասարդները, երեխաները և նրանց ծնողները պետք է զգույշ լինեն, որպեսզի անկեղծ էմոցիաները չօգտագործվեն երկրի դեմ և ի շահ այդ մարդկանց»,- ասել է Դիմիտրի Խունդաձեն։