Արդեն ավելի քան 35 հազար մարդ է իր դիրքորոշումն արտահայտել և մասնակցել ընտրություններին, ինչը կազմում է ավելի քան 70 տոկոս։ Ակտիվությունը շատ բարձր է, ինչը ցույց է տալիս, որ կուսակցականները փոփոխություններ են ուզում, ուզում են, որ կուսակցությունն անշարժությունից շարժվի ու ակտիվանա,- այս մասին հայտարարել է «Ազգային շարժման» անդամ Դիմիտրի Շաշկինը։

Շաշկինի խոսքով՝ ներկայիս տվյալներով Խաբեիշվիլին համոզիչ հաղթանակ է տանում առաջին փուլում։

«Սա հիմնված է այն տվյալների վրա, որոնք մենք ունենք շրջանային կազմակերպություններից՝ հիմնված հետազոտությունների վրա։ Համոզված եմ, որ «Ազգային շարժումը» առաջին փուլում կունենա նոր նախագահ։ Նախագահ, ով կհոգա առաջին հերթին Միխեիլ Սաակաշվիլիին բուժման նպատակով արտերկիր տանելու մասին։ Ինչ վերաբերում է տեխնիկական թերություններին, ապա կան փոքր տեխնիկական խնդիրներ, մինչ այժմ ամերիկյան ընկերությունը կարողանում է գլուխ հանել։ Հանձնաժողովն ակտիվ աշխատանքներ է տանում, որպեսզի բոլորն ունենան իրենց դիրքորոշումն արտահայտելու հնարավորություն։ Ընտրություն անելը շատ պարզ է՝ նա, ով գոհ է կուսակցության աշխատանքից, բազմահազարանոց հանրահավաքները փլուզվեցին, որ ռազմավարություն չստեղծվեց, նա, ով գոհ է, որ նախագահ Սաակաշվիլին այժմ թունավորված է և պայքարում է իր կյանքի համար, նա բնականաբար կընտրի հին ղեկավարությանը, հին նախագահին։ Փոփոխություններ ցանկացողները, նրանք, ովքեր ցանկանում են, որ նախագահ Սաակաշվիլին տեղափոխվի արտերկիր, բնականաբար կընտրեն Լևան Խաբեիշվիլիին։ Լևան Խաբեիշվիլին ճիշտ դիրքորոշում ունի, նա ասում է, որ ընտրություններից հետո՝ հաջորդ օրը, պետք է վերամիավորումը տեղի ունենա, որպեսզի Միխեիլ Սաակաշվիլին տեղափոխվի արտերկիր՝ բուժման։ Մենք դրան անպայման կհասնենք։ Կուսակցությունն այս գործընթացից դուրս կգա ավելի ուժեղ, քան նախկինում էր»,- ասել է Շաշկինը։