Ռուսաստանի անհիմն, անարդար ներխուժումն Ուկրաինա և ուկրաինացի ժողովրդի խիզախությունը միավորեց բազմաթիվ եվրոպական ազգերի, Վրաստանը միանում է դրան, և ԵՄ-ին անդամակցելու նրա դիմումը այս ջանքերի մի մասն է, մենք խոստանում ենք աջակցել այդ ջանքերին, ասել է ամերիկացի սենատոր Դիկ Դուրբինը, ով գտնվում է Վրաստանում։

Նրա խոսքով, իրենք բարձր են գնահատում վրաց ժողովրդի արարքը՝ օգնելու Ուկրաինային։

«Մենք եկել ենք այստեղ Մյունխենի միջազգային կոնֆերանսից և ուզում եմ նշել, որ այս տարի մեծ մասնակցություն եղավ, հատկապես մեր կոնգրեսականներն ու սենատորները աննախադեպ թվով ներկա էին այս համաժողովին։ Քննարկվել են ՆԱՏՕ-ի դաշինքի հետ կապված տարբեր հարցեր, որոնցից ամենակարևորը եղել է Ուկրաինային օգնելը, թե ինչպես կարող ենք օգնել նրանց հետ մղել այդ ագրեսիան։ Ուկրաինա Ռուսաստանի դաժան ներխուժման հենց տարեդարձին և, այսպես ասած, այն նշելու համար, նախագահ Բայդենը անակնկալ այց կատարեց Ուկրաինա՝ Կիև, և դա Ուկրաինայի ազատությանն ուղղված մեր ամուր աջակցության ևս մեկ արտահայտություն էր։

Մենք ցանկանում ենք նշել և գնահատել վրաց ժողովրդի գործողությունները՝ օգնելու Ուկրաինային, նախ՝ գեներատորների տրամադրումը, ինչը հենց ուկրաինացիների խնդրանքն էր, նրանց դա անհրաժեշտ էր, ինչպես նաև ընդունելով ուկրաինացի փախստականներին։ Այսօր մենք հնարավորություն ունեցանք հանդիպելու նրանցից մեկին, և նա մեզ մի քանի իսկապես սրտաճմլիկ պատմություններ պատմեց այն մասին, թե ինչի միջով է անցել իր ընտանիքը ռուսական նման ագրեսիվ և դաժան հարձակումների արդյունքում:

Ռուսաստանի անհիմն, անարդար ներխուժումն Ուկրաինա և ուկրաինացի ժողովրդի խիզախությունն ու դիմադրությունը միավորել են բազմաթիվ եվրոպական ազգերի, այդ թվում՝ Վրաստանին, և ԵՄ-ին անդամակցելու նրա դիմումը այս ջանքերի մի մասն է: Մենք, մեր հերթին, խոստանում ենք աջակցել այդ ջանքերին: Երրորդ անգամ եմ Վրաստանում և հույս ունեմ, որ կվերադառնամ ապագայում։ Ամեն անգամ ինձ վրա մեծ ազդեցություն ու տպավորություն է թողնում գերազանց վրաց ժողովուրդը, որը անդրդվելի կանգնած է տարբեր մարտահրավերների, թշնամու, տարածքների գրավման, տարբեր սադրանքների դեմ և զարգանալու մեծ ցանկություն ունի», – ասաց Դիկ Դուրբինը։