Դիեգո Կոլաս. Կարևոր է, որ բոլոր քաղաքական ուժերը միավորեն իրենց էներգիաներով, հուսամ խորհրդարանում հմագործակցելու ուղիներ կգտնեն
Վրաստանում Ֆրանսիայի դեսպան Դիեգո Կոլասի խոսքով, դեսպանների հանդիպումը Վրաստանի խորհրդարանի նախագահ Շալվա Պապուաշվիլիի հետ շատ հետաքրքիր և կարևոր էր։
Դիեգո Կոլասիի խոսքով՝ իրենք աջակցում են բարեփոխումների գործընթացին՝ Վրաստանը Եվրամիությանը մերձեցնելու ճանապարհին։ Դեսպանի պարզաբանմամբ՝ այսօր օրենսդիր մարմնում Վրաստանի խորհրդարանի նախագահի հետ տեղի է ունեցել բարեփոխումների մշակման և ընդունման գործընթացի վերաբերյալ հանդիպում:
Դիեգո Կոլասն հույս ունի, որ քաղաքական ուժերը խորհրդարանում համագործակցելու ուղիներ կգտնեն:
«Ընդհանուր առմամբ, Մեր քաղաքականությունն է աջակցել Վրաստանին Եվրամիության և բարեփոխումների գործընթացում, որը ներառում է Վրաստանի վերափոխումը եվրոպական երկրի, Վրաստանը ավելի մոտեցնել Եվրամիությանը, քան երբևէ եղել է: Ուստի՝ մենք աջակցում ենք բարեփոխումների գործընթացին՝ այս ամենը հնարավոր դարձնելու համար։ Այսօր մենք հետաքրքիր հանդիպում ունեցանք խորհրդարանի նախագահ Պապուաշվիլիի հետ այն գործընթացի շուրջ, որը տեղի է ունենում խորհրդարանում բարեփոխումներ մշակելու և ընդունելու ուղղությամբ։ Մենք շատ լավ, ընդգրկուն հանդիպում ունեցանք, և այս գործընթացի համար նույնպես լավն այն է, որ գործընթացը հնարավորինս ներառական է։ Ես համաձայն եմ նախագահ Պապուաշվիլիի հետ, որ խորհրդարանը քաղաքական կոնսենսուս ստեղծելու վայր է։ Կարծում եմ, շատ կարևոր է, որ բոլոր քաղաքական ուժերը միավորեն իրենց էներգիան, քան ցրեն դրանք, և հուսով եմ, որ նրանք խորհրդարանում համագործակցելու ուղիներ կգտնեն։
Կարևոր է, որ այս հիմնական խորհրդարանական գործընթացը, որ ընթանում է, ի վիճակի լինի ապահովել սեփական կարծիքը, սեփական ոգեշնչումը գաղափարների լայն շրջանակից։ Բայց սա համաչափ աշխատանք է էներգիաները միավորելու, ոչ թե բաժանելու համար: Մեր քաղաքականությունն է աջակցել Վրաստանին Եվրամիության և բարեփոխումների գործընթացում։ Հանդիպմանը մենք տեսանք բարեփոխումների իրականացման հանձնառություն։ Կարծում եմ, որ մենք շարժվում ենք այդ ուղղությամբ, և դա այն է, ինչ մենք ուզում ենք տեսնել: Հռետորաբանությունը երբեմն անհանգստացնող և ափսոսանք է առաջացնում: Կարևոր է, թե արդյոք գործընթաց կա, և մենք առաջընթաց տեսնու՞մ ենք, և ես հույս ունեմ, որ կունենանք դրական դինամիկա։ Ապաօլիգարխացման հետ կապված՝ ես բազմաթիվ կարծիքներ եմ լսել քաղաքացիական հասարակության կազմակերպություններից այս հարցում։ Տարբեր չափանիշների վրա աշխատելը կուժեղացնի Վրաստանի ժողովրդավարությունն ու ինստիտուտները։ Սա ինքնին հնարավորություն կտա ավելի մեծ առաջընթացի հասնել քաղաքականության վրա չափազանց մեծ ազդեցության հարցերում»,- ասել է Դիեգո Կոլասը։
