ԱՄՆ Պետդեպարտամենտի քաղաքականության հարցերով խորհրդական Դերեկ Շոլեն սոցցանցում գրում է Վրաստանի վարչապետ Իրակլի Ղարիբաշվիլիի հետ հանդիպման մասին։

«ՄԱԿ-ի Գլխավոր ասամբլեայի շրջանակներում ես հանդիպել եմ Վրաստանի վարչապետ Իրակլի Ղարիբաշվիլիի հետ՝ կապված Վրաստանում ժողովրդավարության ապագայի և Եվրամիությանն անդամակցության թեկնածության հետ։ ԱՄՆ-ը մնում է Վրաստանի ժողովրդի եվրատլանտյան հստակ ցանկությունների կողմնակիցը»,- գրում է Դերեկ Շոլը։

Վրաստանի վարչապետ Իրակլի Ղարիբաշվիլիի մամուլի գրասենյակը նույնպես հրապարակել է Դերեկ Շոլեի հետ հանդիպման մասին տեղեկությունը։ Նրանց տեղեկություններով՝ Նյու Յորքում կայացած հանդիպմանը կողմերը քննարկել են Վրաստանի և Ամերիկայի Միացյալ Նահանգների միջև ռազմավարական համագործակցության և տարածաշրջանային անվտանգության հարցերը, ինչպես նաև պատրաստակամություն են հայտնել խորացնել առկա համագործակցությունը՝ ընդհանուր շահերն ամրապնդելու նպատակով։