Դենիս Շմիգալը կարծում է, որ Ուկրաինան կկարողանա անդամակցել Եվրամիությանը պատերազմի ավարտից հետո
Ուկրաինայի վարչապետ Դենիս Շմիգալը կարծում է, որ Ուկրաինան կկարողանա անդամակցել Եվրամիությանը պատերազմի ավարտից հետո։ Ուկրաինայի վարչապետի խոսքով՝ երկիրը շատ արագ է շարժվում դեպի Եվրամիություն։
Ինչպես ասուլիսում ասաց Շմիգալը, Ուկրաինան արդեն իսկ իրականացրել է սեփական օրենսդրության մոնիտորինգ՝ ԵՄ օրենսդրությանը համապատասխան, ինչը նվազեցնում է բանակցային ընթացակարգերի տևողությունը։
Ուկրաինայի վարչապետի խոսքով՝ երկիրը կկարողանա անցնել բանակցային գործընթացի հետ կապված բոլոր ընթացակարգերը «շատ արագ՝ երկու տարվա ընթացքում»։
«Մենք պատրաստ ենք կատարել մեր տնային աշխատանքը»,- ասել է Շմիգալը։