Դեկտեմբերի 2-ին տեղի կունենա Վրաստան-Էստոնիա կին ձեռներեցների ֆորումը
Դեկտեմբերի 2-ին տեղի կունենա Վրաստան-Էստոնիա կին ձեռներեցների ֆորումը։ Համապատասխան տեղեկությունը տարածում է Էստոնիայի Առևտրաարդյունաբերական պալատը։
Միջոցառումը կհյուրընկալի Էստոնիայի Առևտրաարդյունաբերական պալատը՝ Վրաստանի Առևտրաարդյունաբերական պալատի հետ սերտ համագործակցությամբ:
Ֆորումն անցկացվում է Վրաստանում կին ձեռներեցների զարգացման ծրագրի շրջանակներում։ Այս ծրագիրը համագործակցության նախագիծ է Վրաստանի և Էստոնիայի Առևտրաարդյունաբերական պալատների միջև, որը ֆինանսավորվում է Էստոնիայի զարգացման գործակալության կողմից:
Ֆորումի շրջանակներում էստոնացի և վրացի կին ձեռներեցները կկիսվեն իրենց բիզնես պատմություններով՝ ոգեշնչելու Վրաստանի, Էստոնիայի և այլ երկրների կանանց։