Տեղի է ունեցել կառավարության նիստը Վրաստանի վարչապետ Իրակլի Ղարիբաշվիլիի գլխավորությամբ։ Նախարարների կաբինետի անդամները կառավարությունում տեղի ունեցած խորհրդակցությանը քննարկել են տասը հարց։

Քննարկված հարցերի թվում էր Վրաստանի՝ «Դեղերի և դեղագործական գործունեության մասին» օրենքի նախագծում փոփոխությունը և դրանից բխող օրենքների նախագծերը։ Մասնավորապես, 2023 թվականից դեղերի համար կսահմանվեն տեղեկանքային գներ՝ պետությունը սահմանելու է գնի առավելագույն սահմանաչափ, որից բարձր դեղորայքի վաճառքը չի թույլատրվի, ինչը աշխարհում տարածված պրակտիկա է։ Բարեփոխման նպատակն է բարձրացնել որակյալ դեղերի մատչելիությունը, ապահովել արդար գներ և դեղագործական մրցունակ և թափանցիկ շուկա։ Նախնական հաշվարկներով՝ տեղեկատու գների սահմանումը միջինը 40 տոկոսով կնվազեցնի դեղերի ինքնարժեքը։

Առաջին փուլում կսահմանվեն տեղեկանքային գներ քրոնիկ հիվանդությունների համար նախատեսված դեղերի համար, աստիճանաբար գների կարգավորման մեխանիզմը կտարածվի նաև դեղերի այլ խմբերի վրա։

«Նշենք, որ կառավարության նախաձեռնությամբ 2022 թվականի մարտից բացվեց թուրքական դեղագործական շուկան, որը Վրաստանում 60-80 տոկոսով նվազեցրեց դեղերի արժեքը։ Արդյունքում, տարեկան մինչև 100 հազար քաղաքացիներ կտնտեսեն մոտ 200 մլն լարի, իսկ տեղեկանք գների սահմանումը էլ ավելի կբարելավի դեղերի մատչելիությունը»,- ասվում է կառավարության մամուլի ծառայությունում։

Քննարկված հարցերի թվում էր նաև 2013 թվականի փետրվարի 21-ի «Համընդհանուր առողջապահությանն անցնելու նպատակով իրականացվելիք որոշ միջոցառումների մասին» թիվ 36 որոշման փոփոխությունը։

«Մասնավորապես, համընդհանուր առողջապահական ծրագրում կմեկնարկի հետինսուլտային վերականգնողական ծրագիրը և գլխի և ողնուղեղի տրավմատիկ վնասվածքի հետևանքով ստեղծված վիճակի վերականգնողական ծրագիրը, որը հիվանդներին հնարավորություն կտա ժամանակին վերականգնելու ֆունկցիոնալ հմտությունները և կանխել խիստ սահմանափակումների ձևավորումը։ Ծրագիրը ներառում է վերականգնողական ամբողջական կուրս։ Հետինսուլտային, գլխի և ողնուղեղի վերականգնման բաղադրիչի մեկամսյա բյուջեն կազմում է 919250 լարի։ Ծրագրերի տարեկան բյուջեն կազմում է 11 մլն լարի։

Հարկ է նշել, որ 2023 թվականից օկուպացված տարածքներից հարկադիր վերաբնակների, աշխատանքի, առողջապահության և սոցիալական պաշտպանության նախարարության բյուջեն կավելանա մոտավորապես 770 մլն լարիով, ինչը թույլ կտա գերատեսչությանը ավելացնել ինչպես համընդհանուր առողջապահության, այնպես էլ այլ ոլորտների ֆինանսավորումը»,- ասված է կառավարության աշխատակազմի տեղեկատվության մեջ։