Խավիեր Կոլոմինան նշանակվել է Հարավային Կովկասում եւ Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ:

Վրաստանի փոխվարչապետ, արտաքին գործերի նախարար Դավիթ Զալկալիանին «Twitter» սոցիալական ցանցի միջոցով շնորհավորում է իսպանացի դիվանագետին նոր պաշտոնում նշանակվելու կապակցությամբ:

«Շնորհավորում եմ Խավիեր Կոլոմինային՝ քարտուղարի քաղաքական հարցերով և անվտանգության գծով ՆԱՏՕ-ի գլխավոր օգնականի տեղակալ և Հարավային Կովկասում և Կենտրոնական Ասիայում հատուկ ներկայացուցիչ նշանակվելու կապակցությամբ: Վրաստանը հավատարիմ է Դաշինքի անդամ դառնալու իր նպատակին: Ես վստահ եմ, որ համատեղ ջանքերով մենք կհասնենք շոշափելի արդյունքների», – գրել է Զալկալիանին:

Congrats to Javier Colomina on his appt as t/new DASG for Political Affairs & Security Policy & Special Rep. for t/Caucasus &Central Asia in @NATO!?? is strongly committed to its goal to become t/member of t/Alliance. I'm sure, through joint efforts we'll achieve tangible results

— David Zalkaliani (@DZalkaliani) September 3, 2021