Վրաստանի արտաքին գործերի նախարար Դավիթ Զալկալիանին հունվարի 17-20-ը աշխատանքային այցով կմեկնի Իսպանիայի Թագավորություն: Արտաքին գործերի նախարարության մամուլի ծառայության հաղորդմամբ, այցի ընթացքում արտգործնախարարը կմասնակցի ՄԱԿ-ի Զբոսաշրջության համաշխարհային կազմակերպության (UNWTO) գործադիր խորհրդի 113-րդ նստաշրջանին, որտեղ կընտրվի գլխավոր քարտուղարի թեկնածուն:

«Հատկանշական է, որ Վրաստանը ՄԱԿ-ի Զբոսաշրջության համաշխարհային կազմակերպության գլխավոր քարտուղարի պաշտոնում վերընտրելու համար առաջադրել է Վրաստանի թեկնածու Զուրաբ Պոլոլիկաշվիլիին: Միջոցառմանը մասնակցելու են կազմակերպության գործադիր խորհրդի 35 անդամ պետությունների ներկայացուցիչներ», – ասված է հայտարարության մեջ:

Ըստ նրանց, Իսպանիայի Թագավորություն կատարած աշխատանքային այցի ընթացքում ԱԳ նախարարը հանդիպումներ կունենա Իսպանիայի արտաքին գործերի, ԵՄ և համագործակցության նախարար Արանչա Գոնսալես Լայայի, ինչպես նաև ՆԳ նախարար Ֆերնանդո Գրանդե-Մարլասկայի և միգրացիայի նախարար Խոսե Լուիս Էսկիմվայի հետ:

Այցի ընթացքում Իսպանիայի թագավոր Ֆիլիպ IV-ի անունից տեղի կունենա պաշտոնական ընդունելություն և հանդիպում նրա հետ: Վրաստանի արտգործնախարարի անունից հանդիպում կկայանա նաև Զբոսաշրջության համաշխարհային կազմակերպության գործադիր խորհրդի 113-րդ նստաշրջանին մասնակցող պատվիրակության ղեկավարների հետ: