Վրաստանի բարեկամների խումբը հայտարարություն է ընդունել, որը կարևորում է Ռուսաստանի Դաշնության անօրինական գործողությունները,- ասել է Վրաստանի արտգործնախարար Դավիթ Զալկալիանին։

Ինչպես նշել է Զալկալիանին, հայտարարությունը համապարփակ է և կարևոր շեշտադրումներ է պարունակում օկուպացված տարածքներում տիրող իրավիճակի վերաբերյալ։

«Գոհունակությամբ ուզում եմ նշել, որ Վրաստանի մի խումբ բարեկամներ հայտարարություն են ընդունել, և այս հայտարարությունը կտարածվի մոտ ապագայում, որը համապարփակ է և կարևորում է իրավիճակը օկուպացված տարածքներում՝ Ռուսաստանի Դաշնության կողմից իրականացված անօրինական գործողությունների մասին: Մենք երախտապարտ ենք Վրաստանի բարեկամ երկրների արտաքին գործերի նախարարներին»,- ասել է Զալկալիանին։

Բացի այդ, Դավիթ Զալկալիանին խոսել է իր լեհ գործընկերոջ հետ հանդիպման մասին։ Նրա խոսքով, Լեհաստանը Վրաստանի մեծ աջակիցն է եվրոպական, եվրատլանտյան ինտեգրման, տարածքային ամբողջականության և մեր երկրի ինքնիշխանության ուղղությամբ։

«Ինչ վերաբերում է երկկողմ հանդիպումներին, ապա ես հանդիպումներ եմ ունեցել իմ եվրոպացի գործընկերների հետ։ Ինչպես գիտեք, Լեհաստանը ԵԱՀԿ-ի հաջորդ նախագահողն է, և, բնականաբար, արդյունավետ համագործակցությունը, որ ունեցել եմ Շվեդիայի արտգործնախարար Աննա Լինդեսի հետ, որը ԵԱՀԿ-ի ներկայիս նախագահն է, կշարունակվի նաև Լեհաստանի հետ։ Մենք խոսեցինք այն առաջնահերթությունների մասին, որոնք լինելու են Լեհաստանի նախագահության ժամանակ, և հայտնի է, որ Լեհաստանը մեր մեծ աջակիցն է բոլոր ոլորտներում՝ եվրոպական, եվրատլանտյան ինտեգրման, մեր երկրի տարածքային ամբողջականության և ինքնիշխանության առումով։ Մենք խոսում ենք նաև մեր ավստրիացի գործընկերոջ հետ երկկողմ հարաբերությունների մասին»,- ասել է Զալկալիանին։

Վրաստանի արտաքին գործերի նախարարի խոսքով՝ վերջին շրջանում Ավստրիայի հետ երկկողմ հարաբերությունները շատ ինտենսիվ են զարգանում։

«Մի քանի այցեր են եղել, նախագահն այցելել է, վարչապետը վերջին ամիսներին մի քանի անգամ հանդիպել է Ավստրիայի կանցլերի հետ։ Մեր դեսպանատունը, դեսպանը, ինտենսիվ աշխատում է տարածաշրջանների միջև հարաբերությունների խորացման ուղղությամբ։ Հատկապես հետհամաճարակային շրջանում, երբ մենք բացում ենք երկիրը, մենք պետք է վերադառնանք այն մակարդակին, որում եղել ենք, և Ավստրիայի հետ չափազանց լավ դինամիկա ենք ունեցել, թեկուզ զբոսաշրջության առումով, և մենք քննարկել ենք այդ հնարավորությունները»,- ասել է Դավիթ Զալկալիանին։