Վրաստանի արտաքին գործերի նախարար Դավիթ Զալկալիանիի խոսքով, իրենք գործընկերների հետ անընդհատ խոսում են երկրի եվրաինտեգրման մասին։

Ինչպես Վրաստանի Առաջին ալիքին տված հարցազրույցում ասել է Զալկալիանին, չեն խուսափի համարձակ քայլեր ձեռնարկելուց՝ արագացնելու երկրի ԵՄ անդամակցության գործընթացը։

«Մենք անընդհատ խոսում ենք այդ մասին։ Սա վերջին զրույցի խոսակցության թեման էր։

Խորհրդարանի բանաձևը շատ լավն է: Մենք ինտենսիվ աշխատում ենք մեր գործընկերների հետ և չենք խուսափի համարձակ քայլեր ձեռնարկելուց՝ արագացնելու ԵՄ անդամակցության գործընթացը։ Մենք բոլոր քայլերը կձեռնարկենք այս գործընթացն անշրջելի դարձնելու համար»,- ասել է Դավիդ Զալկալիանին։

«Վրացական երազանքը» խորհրդարանական բյուրոյի նիստում ներկայացրել է եվրաինտեգրման գործընթացի վերաբերյալ բանաձեւի նախագիծ։ Բանաձևի նախագիծը կոչ է անում Վրաստանի գործադիր իշխանությանը ակտիվացնել ջանքերը Վրաստանի եվրաինտեգրման ուղղությամբ և իրականացնել Վրաստանի և ԵՄ-ի միջև Ասոցացման համաձայնագիրը՝ Վրաստանին ԵՄ անդամակցությանը պատշաճ կերպով նախապատրաստելու համար: Միաժամանակ նրանք կոչ են անում ԵՄ անդամ երկրներին և ԵՄ կառույցներին ձեռնարկել բոլոր անհրաժեշտ քայլերը՝ արագացնելու Վրաստանի անդամակցությունը ԵՄ-ին։