Վրաստանի արտաքին գործերի նախարար Դավիթ Զալկալիանիի խոսքով, Դավիթ Գարեջիի հարցը մանրամասն քննարկվել է սեպտեմբերին ադրբեջանցի գործընկերոջ, Ջեյհուն Բայրամովի հետ հանդիպման ժամանակ: Ըստ Զալկալիանիի, նա իր գործընկերոջը տրամադրել է ամբողջական փաթեթ՝ կապված նոր հայտնաբերված հանգամանքների հետ:

Ըստ Զալկալիանիի, հենց որ համաճարակը թույլ տա, հանձնաժողովը նորացված կազմով կշարունակի աշխատել Դավիթ Գարեջիի հարցի շուրջ:

«Առաջին հերթին ես դրա մասին խոսեցի նրա հետ, երբ նա սեպտեմբերին Վրաստանում էր, շատ անկեղծ, բովանդակալից զրույց, մենք մանրամասն խոսեցինք նոր հանգամանքների մասին և ես նրան տվեցի մի նոր փաթեթ նոր բացահայտված հանգամանքների վերաբերյալ: Ես խոսեցի մեր ունեցած նոր մանրամասների մասին, տվեցի նոր մասշտաբի քարտեզներ, ինչպես նաև միջազգային փորձագետների եզրակացությունները, և նա դրան վերաբերվեց բացարձակ ըմբռնումով: Բնականաբար, մենք պատրաստ ենք, և հենց որ համաճարակը մեզ հնարավորություն տա, բացարձակապես թարմացված կազմով մենք շարունակելու ենք աշխատել դրա շուրջ, քանի որ դա բխում է երկու կողմերի շահերից: Մենք ռազմավարական գործընկերներ ենք, ինչպես մեզ, այնպես էլ Ադրբեջանին ձեռնտու է, որ այս հարցում համաձայնության գանք՝ ելնելով երկու երկրների ռազմավարական շահերից», – ասաց Դավիթ Զալկալիանին:

Հարցին. «Ինչպե՞ս կգնահատեք Իվերի Մելաշվիլիի փաստաբանի հայտարարությունը, որ արտաքին գործերի նախարարությունն ունի ինչ-որ գաղտնի փաստաթուղթ, որը նրանք խնդրում են հրապարակել», Զալկալիանին ասաց, որ գաղտնի փաստաթղթեր չկան:

«Բացարձակապես գաղտնի փաստաթղթեր չկան, որոնք փաստաբանը խնդրել է մեզանից, մենք նրան տրամադրել ենք բոլոր փաստաթղթերը», – ասաց Դավիթ Զալկալիանին: