Կարևոր է, որ Պետդեպարտամենտի պատվիրակության հետ հանդիպումը կրկին կայացավ Թբիլիսիում՝ Հայաստան և Ադրբեջան կատարած այցից հետո, – ասաց Վրաստանի արտաքին գործերի նախարար Դավիթ Զալկալիանին՝ Եվրոպայի և Եվրասիայի հարցերով ԱՄՆ պետքարտուղարի տեղակալի պաշտոնակատար Ֆիլիպ Ռիքերի հետ հանդիպումից հետո:

Ինչպես նշեց Դավիթ Զալկալիանին, այսօրվա հանդիպումն ամբողջությամբ նվիրված էր տարածաշրջանային անվտանգության հարցերին, այսինքն՝ աշխարհաքաղաքական նոր իրավիճակին, թե ինչ կարելի է անել Հարավային Կովկասում երկարատև խաղաղության և կայունության հասնելու համար:

«Այսօրվա հանդիպման հիմնական թեման էր տարածաշրջանային անվտանգության համատեքստում Վրաստանի դերը առաջ քաշելը և իրավիճակը տարածաշրջանում: Հանդիպումը շատ արդյունավետ էր, մանրամասն քննարկվեց առկա իրավիճակը և, իհարկե, համագործակցության ապագա հեռանկարները», – ասաց Զալկալիանին: