Ռուսաստանի դեմ պատժամիջոցների սահմանումից ի վեր ոչ մի փաստ չի եղել, որ Վրաստանն օգտագործվել է միջազգային պատժամիջոցները շրջանցելու համար,- ասել է խորհրդարանական մեծամասնության անդամ Դավիթ Մաթիկաշվիլին։

Պատգամավորը մեկնաբանել է պատժամիջոցների հարցերով ԵՄ հատուկ ներկայացուցիչ Դեյվիդ Օ’Սալիվանի և ԱՄՆ և Մեծ Բրիտանիայի պատժամիջոցների գծով ներկայացուցիչներ դեսպան Ջեյմս Օ’Բրայենի և Կումար Այերի այցը Վրաստան:

Մաթիկաշվիլիի խոսքով՝ կարևոր է երկխոսել եվրոպացի գործընկերների հետ և ծանոթանալ նրանց տեսլականին։

«Մեր եվրոպացի գործընկերների այցը Վրաստան, նրանց հետ երկխոսությունն ու տեղեկատվության փոխանակումը շատ կարեւոր է։ Մենք բազմիցս հայտարարել ենք վրացական կողմի արտահայտած դիրքորոշումը, որ Վրաստանը առանձին-առանձին պատժամիջոցներ չի կիրառում Ռուսաստանի դեմ, թեև Վրաստանը ոչ մի դեպքում չի օգտագործվի իրականում գոյություն ունեցող միջազգային պատժամիջոցները շրջանցելու համար։

Պատժամիջոցների սահմանումից ի վեր ոչ մի փաստ չի եղել, որ Վրաստանն օգտագործվել է այդ նպատակով։ Այնպես որ, մեզ համար կարևոր է երկխոսությունը, ծանոթանալ մեր եվրոպացի գործընկերների տեսլականին։ Կարևոր է, որ այս երկխոսության և հարաբերությունների համատեքստում հետագայում ձևավորվեն և սահմանվեն այն հեռանկարները, որոնք Վրաստանն ունի դեպի Եվրամիություն ճանապարհին»,- ասել է Դավիթ Մաթիկաշվիլին։