Դավիթ Գարեջիի գործով այսօր հարցաքննելու են արտաքին գործերի նախկին նախարար Գելա Բեժուաշվիլիին

10:16, 01.12.2020

Դավիթ Գարեջիի գործով ընթացող հետաքննության շրջանակներում, այսօր հարցաքննելու են արտաքին գործերի նախկին նախարար, Գելա Բեժուաշվիլիին: Բեժուաշվիլին գլխավոր դատախազություն է կանչվել ժամը 13:00-ի համար:

Վրաստանի տարածքի մի մասը օտար երկրին փոխանցելու փորձի գործով հետաքննությունը սկսվել է, գործարար Դավիթ Խիդաշելիի ներկայացրած ծավալուն նյութերի հիման վրա: Քարտեզներին հետ միասին, գործարարի կողմից վրացական կողմին են տրամադրվել այլ փաստաթղթեր: Այդ թվում է 2007 թվականի մայիսի 30-ին, Վրաստանի արտաքին գործերի նախարար Գելա Բեժուաշվիլիի հարցազրույցը, որը նա տվել է ադրբեջանական հրատարակությանը: Հարցին, թե որքանով է ճիշտ համարում Բեժուաշվիլին, որ Վրաստանը պետք է հավակնի իր սուրբ տարածքներին, որոնք, օրինակ, գտնվում են Վրաստանի կամ այլ երկրի տարածքում: Նախկին նախարարի պատասխանը հետեւյալն է.

«Դա հարցի սխալ տեսակետ է: Կարիք չկա ինչ-որ մեկին որևէ բան հանձնել: Վանքի հիմնական մասը վրացական մասում է: Ոչ ոք չի վիճարկում, որ վանքի մնացած խցերը գտնվում են Ադրբեջանի տարածքում: Այստեղ վեճ չկա: Խոսքը գնում է հետաքրքրությունների նախատեսման մասին: Վրացական կողմի համար դա այդ խցերին հասանելիության հարցն է: Ադրբեջանական կողմի համար դա որոշակի բարձունքների նկատմամբ վերահսկողության պահպանելն է: Մենք հասկացությամբ ենք մոտենում Ադրբեջանի հետաքրքրություններին»,- հարցազրույցում հայտարարել է Բեժուաշվիլին:

Ելնելով այն բանից, որ Դավիթ Գարեջիի մերձակա և սահմանի այլ հատվածներում, վիճելի հարցերը հանձնաժողովի կողմից առաջացել են 2006-2007 թվականներին, հավանաբար նրան հարցաքննելու են այդ ժամանակահատվածի վերաբերյալ: Գելա Բեժուաշվիլին երկրի արտաքին քաղաքական գերատեսչությունը ղեկավարում էր հենց այդ տարիներին:

Հեղինակ - edgar barsegyan

Իրավական

Գելա Բեժուաշվիլի