Դավիթ Բաքրաձե. Ես կոչ եմ անում «Վրացական երազանքին», չվտանգել երկրի համար ամենակարևոր համաձայնագրի իրագործումը
«Եվրոպական Վրաստանի» նախկին անդամ Դավիթ Բաքրաձեն հայտարարություն է տարածել համաներման օրինագծի վերաբերյալ:
Ըստ Բաքրաձեի, համաներումը պետք է հաշվի առնի երեք սկզբունք, ներառյալ տուժողի անհրաժեշտ համաձայնությունը, Մարդու իրավունքների եվրոպական կոնվենցիան և միայն այն կոնկրետ հանցագործությունները, որոնց շուրջ արդեն ընթանում է քրեական հետապնդում:
«Ես ուզում եմ իմ դիրքորոշումը հայտնել համաներման մասին օրինագծի վերաբերյալ: Որպեսզի հաշվի առնվի հասարակության արդար պահանջը և համաներումը չկիրառվի հունիսի 20-ին կրակ բացելու հրաման արձակած անձանց, ինչպես նաև նրանց, ովքեր դիտավորյալ դաժանորեն կրակում էին խաղաղ ցուցարարների ուղղությամբ, անհրաժեշտ է հաշվի առնել երեք սկզբունքները Համաներման մասին օրենքում, որը պահանջում է Շառլ Միշելի փաստաթուղթն ստորագրած ընդդիմությունը և առանց որի անձամբ ես անհնար եմ համարում օրինագծի աջակցությունը.
1. Համաներումը պետք է հաշվի առնի տուժողի պարտադիր համաձայնությունը. Սա նշանակում է, որ ոչ ոք չի կարող ազատվել համաներմամբ, եթե այդ անձի կողմից կատարված ապօրինի գործողության զոհը չի համաձայնում ներում շնորել: 2. Համաներումը պետք է հաշվի առնի Մարդու իրավունքների եվրոպական կոնվենցիային. Սա նշանակում է, որ ոչ ոք չի կարող համաներմամբ ազատ արձակվել, եթե նրա կողմից կատարված արարքը խոշտանգում, անմարդկային կամ նվաստացուցիչ վերաբերմունք կամ պատիժ է: 3. Համաներումը պետք է ներառի միայն այն կոնկրետ հանցագործությունները, որոնց շուրջ արդեն ընթանում է քրեական հետապնդում. Սա նշանակում է, որ քանի որ «Վրացական երազանքը» դեռ չի քննել, թե ով է պատվիրել հունիսի 20-ը և ով է կատարել հատկապես ծանր հանցագործությունները, հետագայում օբյեկտիվ քննություն իրականացնելուց հետո այս համաներմամբ չի կարող ազատ արձակվել որևէ անձ, ում դեպքում կհաստատվի նման տիպի հանցանք:
Հավատում եմ, որ համաներման օրենքում հաշվի առնելով այս երեք սկզբունքները՝ մի կողմից, Շառլ Միշելի փաստաթուղթը ազնվորեն կկատարվի, իսկ մյուս կողմից՝ հասարակության արդար դիրքորոշումը կբավարարվի: Նշենք նաև, որ բանակցային գործընթացում ընդդիմության հիմնական պահանջը քաղբանտարկյալների ազատ արձակումն էր և քաղաքականացված գործերով մեղադրվող անձանց հետապնդման դադարեցումը: Չնայած այս բանակցությունների ընթացքում իշխանությունները երբեք չեն բարձրացրել մեղադրյալ իրավապահների համաներման հարցը: Ուստի, այժմ, Շառլ Միշելի փաստաթղթի կատարման փուլում, կողմերի արհեստական «հավասարեցումը» և հավասար նշանների դնումը չի կարող գնահատվել այլ կերպ, քան ստեղծել համաձայնագրի իրականացման արհեստական խնդիր»,- նշված է հայտարարության մեջ:
Միևնույն ժամանակ, Դավիթ Բաքարձեն «Վրացական երազանքին» կոչ է անում սպառնալիք չստեղծել երկրի համար ամենակարևոր համաձայնագրի իրագործման համար:
«Նիկա Մելիայի դիրքորոշման ֆոնին, որը ես անձամբ հասկանում եմ և համարում եմ արդարացի, շատ դժվարություններ և տարաձայնություններ պետք է հաղթահարվեն համաներման մասին օրինագծի խորհրդարանական քննարկման ժամանակ, ես կցանկանայի կոչ անել «Վրացական երազանքին», չվտանգել դրա իրագործումը և լիովին հաշվի առնել օրենքում վերը նշված երեք սկզբունքները: Հակառակ դեպքում, ես անհնար եմ համարում աջակցել նման օրենքի նախաձեռնման, քննարկման և քվեարկության գործընթացներին», – ասված է Բաքրաձեի հայտարարության մեջ:
