Գլխավոր դատախազության հետ համագործակցության արդյունքում Լյուքսեմբուրգ արտահանձնելու նպատակով ձերբակալվել է Եվրոպայի ամենալուրջ հետախուզվողների ցուցակում գտնվող անձը, – ասվում է դատախազության տեղեկատվության մեջ:

«2020 թվականի նոյեմբերի 24-ին Վրաստանի ներքին գործերի նախարարության աշխատակիցները, Վրաստանի գլխավոր դատախազության հետ համագործակցությամբ, ձերբակալել են Ուկրաինայի քաղաքացի Դ.Կ.-ին, որը հետախուզվում էր Ինտերպոլի և Եվրոպոլի կողմից՝ Լյուքսեմբուրգ արտահանձնելու համար: Ձերբակալվածը Եվրոպայի ամենալուրջ հետախուզվողների ցուցակում է (Europe’s Most Wanted):

Դ.Կ.-ն մեղադրվում է սերիական և կազմակերպված գողություն կատարելու, ինչպես նաև փողերի լվացման և կազմակերպված հանցավոր խմբավորման անդամակցության մեջ: Դ.Կ. 2019 թվականի ընթացքում կազմակերպված խմբի հետ միասին նա մասնակցել է Լյուքսեմբուրգի տարածքում գտնվող շքեղ մեքենաների գողությանը և հետագայում տարբեր եղանակներով լվացել հանցագործությունների հասույթը: Այս հանցագործությունները պատժվում են մինչև 15 տարի ազատազրկմամբ: Դ.Կ.-ի հանցակիցների մի զգալի մասը կալանքի տակ է գտնվում Լյուքսեմբուրգում, իսկ նա մինչ այժմ թաքնվում էր:

Լյուքսեմբուրգի իրավասու մարմինները 40 օր ժամանակ ունեն արտահանձնման փաստաթղթերը ներկայացնելու համար: Արտահանձնման փաստաթղթերը ուսումնասիրելուց հետո Վրաստանի գլխավոր դատախազությունը արտահանձնման միջնորդությամբ կդիմի Թբիլիսիի քաղաքային դատարան: Եթե դատարանը հանձնումը թույլատրելի ճանաչի, արտահանձնման մասին վերջնական որոշումը կկայացնի արդարադատության նախարարը», – նշված է հայտարարության մեջ: