Վրաստանի դատախազությունը մեղադրանք է առաջադրել երկու անձի՝ Մեստիայի շրջանի Էցերի գյուղում տեղի ունեցած դիտավորյալ սպանության և առողջությանը ծանր վնաս պատճառելու փաստերով։

Քննչական գերատեսչության տվյալներով՝ ՆԳՆ-ի և Հատուկ քննչական ծառայության կատարած քննության արդյունքում պարզվել է, որ հունվարի 1-ին Մեստիայի քաղաքապետարանի Եցերի գյուղում Վրաստանի ՆԳՆ ոստիկանության սահմանապահ բաժնի ծառայողներ Գ.Ց.-ն և Գ.Պ.-ն նախկինում ունեցած տարաձայնության պատճառով ֆիզիկական առճակատում են ունեցել Ռ.Ա.-ի և Գ.Ա.-ի հետ։ Կոնֆլիկտի ընթացքում Գ.Ց.-ն սպանելու նպատակով իր մոտ եղած հրազենից մի քանի անգամ կրակել է Գ.Ա.-ի վրա, ով ստացած վնասվածքների հետեւանքով մահացել է։

«Մինչդեռ Ռ.Ա.-ն մի քանի կրակոց է արձակել Գ.Պ.-ի եւ Ռ.Պ.-ի ուղղությամբ, ինչի արդյունքում Գ.Պ.-ն մահացել է, իսկ Ռ.Պ.-ն ստացել է կյանքին վտանգ սպառնացող վնասվածքներ:

Իրավապահները մեղադրյալներին ձերբակալել են հունվարի 2-ին։ Գ.Ք.-ին մեղադրանք է առաջադրվել Վրաստանի քրեական օրենսգրքի 108-րդ հոդվածով, որը նախատեսում է ազատազրկում 10-ից 15 տարի ժամկետով»,- նշված է դատախազության տեղեկատվության մեջ։