Վրաստանի դատախազությունը մեղադրական եզրակացություն է ներկայացրել Կեսարիա Աբրամիձեի նկատմամբ՝ ծանրացուցիչ հանգամանքներում դիտավորյալ սպանության համար։

ՆԳՆ-ի անցկացրած հետաքննության համաձայն՝ պարզվել է, որ սպանությունից մոտ մեկ շաբաթ առաջ Կեսարիա Աբրամիձեն և մեղադրյալը անձնական հարցի շուրջ տարաձայնություններ են ունեցել և դրա պատճառով նրանք բաժանվել են։ Սեպտեմբերի 18-ին, ժամը 15:50-ի սահմաններում, Թբիլիսիի Ադամ Միցկևիչի փողոցում գտնվող խանութներից մեկում Բ.Ջ.-ն գնել է «Օփինելի» ծալովի դանակ և որոշել հանդիպել Կեսարիա Աբրամիձեի հետ։

Ըստ ամբաստանյալի պարզաբանման՝ Կեսարիա Աբրամիձեն համաձայնել է հանդիպմանը՝ սոցիալական ցանցերում իրենց հարաբերություններից լուսանկարներ հրապարակելու դիմաց։ Մեղադրյալը Կեսարիա Աբրամիձեի հետ հանդիպելու և իր մտադրությունը կատարելու համար համաձայնել է հրապարակել լուսանկարները, որից հետո Կեսարիա Աբրամիձեն լուսանկարները ներբեռնել է սոցցանց։

Քննությամբ պարզվել է նաև, որ մեղադրյալը ժամը 19։10-ի սահմաններում Սաակաձեի հրապարակի շրջակայքից տաքսիով ժամանել է Կեսարիա Աբրամիձեի բնակավայր, մտել մոտակա «Նիկորա» ընկերության խանութ, գնել ալկոհոլային խմիչքներ և ժամը 19։27-ի սահմաններում գնացել Կեսարիա Աբրամիձեի բնակարան։ Մեղադրյալը վիճաբանության հիման վրա նախ հարվածել է Կեսարիա Աբրամիձեին՝ վրեժխնդրության դրդապատճառով, ապա նույն օրը գնված դանակով մարմնի տարբեր տեղերում 28 վնասվածք է հասցրել։ Ստացած վնասվածքների հետևանքով Կեսարիա Աբրամիձեն տեղում մահացել է։

Դրանից հետո մոտ 20 րոպեում մեղադրյալը արագ քայլով լքել է Կեսարիա Աբրամիձեի բնակարանը, Ավթանդիլի փողոցից Վեփխիստկաոսնի փողոցով քայլել է Միրիան Մեփեի փողոց, այնուհետև Ֆարնավազ Մեփեի փողոց, որտեղ էլ գնացել է նույն փողոցում գտնվող իր ազգականի բնակարան փոխել է միայն արյունոտ շապիկը և դուրս եկել բնակարանից, տաքսիով գնացել է մետրո Դիդուբի կայարան, որտեղից մետրոյով հասել է Սարաջիշվիլիի կայարան, իսկ հետո տաքսիով գնացել է Սենակի։ Ձեռնարկված օպերատիվ-որոնողական միջոցառումների արդյունքում ոստիկանության ծառայողները Բ.Ջ. Սամտրեդի տանող ճանապարհին նրանց կանգնեցրել են Կոպիտնար օդանավակայանի մերձակայքում, որից հետո մեղադրյալը ձերբակալվել է իրավապահների կողմից։

Քրեական գործով շարունակվող նախաքննության շրջանակներում Բ.Ջ.-ի հետ կատարվել է գաղտնի քննչական գործողություն՝ «գաղտնի աուդիո-վիդեո ձայնագրություն», որտեղ նա խոսել է հանցագործության մանրամասների մասին։

Ձերբակալվածին մեղադրանք է առաջադրվել Վրաստանի քրեական օրենսգրքի 109-րդ հոդվածի Ը և Մ ենթաբաժիններով, ինչը նշանակում է դիտավորությամբ սպանություն հատուկ դաժանությամբ՝ սեռի հիման վրա և պատժվում է 16-ից 20 տարի ժամկետով կամ ցմահ ազատազրկմամբ։ Դատախազությունը մեղադրյալի նկատմամբ որպես խափանման միջոց կալանավորումը կիրառելու վերաբերյալ օրենքով սահմանված ժամկետում դիմում է դատարան։

Ներքին գործերի նախարարությունում քրեական գործի քննությունը շարունակվում է։