Վրաստանի դատախազությունը Թբիլիսիում մեկ անձի նկատմամբ մեղադրական եզրակացություն է ներկայացրել՝ դիտավորյալ սպանության համար։

«ՆԳՆ-ի կատարած հետաքննությամբ պարզվել է, որ սեպտեմբերի 27-ին Թբիլիսիում՝ Ճաբուկիանի փողոցում, վիճաբանության ժամանակ մեղադրյալը դանակով վիրավորել է տուժածին կրծքավանդակի շրջանում։ Ստացած վնասվածքների հետեւանքով տուժածը հիվանդանոցում մահացել է։

Իրավապահները նույն օրը ձերբակալել են մեղադրյալին։ Նրան մեղադրանք է առաջադրվել Վրաստանի Քրեական օրենսգրքի 108-րդ հոդվածով (դիտավորյալ սպանություն), որը նախատեսում է ազատազրկում 10-ից 15 տարի ժամկետով։

Դատախազությունը օրենքով սահմանված ժամկետում կդիմի դատարան՝ մեղադրյալի նկատմամբ որպես խափանման միջոց կալանքը կիրառելու միջնորդությամբ»,- նշված է դատախազության տեղեկատվության մեջ։