Վրաստանի դատախազությունը մեղադրանք է առաջադրել մեկ անձի՝ 16 տարին չլրացած անձի հետ սեռական հարաբերություններ ունենալու և ինքնասպանության հասցնելու համար։

Դատախազության տվյալներով՝ ՆԳ նախարարության կողմից անցկացված հետաքննությամբ պարզվել է, որ Բաթումում մեղադրյալը սիստեմատիկորեն սեռական հարաբերություններ է ունեցել 16 տարին չլրացած տուժողի հետ։ Նա նաև սիստեմատիկ կերպով նվաստացրել է նրան, բանավոր վիրավորել և վիրավորել պատիվն ու արժանապատվությունը, ինչի պատճառով էլ հունիսի 11-ին տուժողը ինքնասպանություն է գործել՝ ցած նետվելով բնակելի շենքի 15-րդ հարկից։

«Իրավապահները մեղադրյալին ձերբակալել են հունիսի 13-ին։ Նրան մեղադրանք է առաջադրվել Վրաստանի քրեական օրենսգրքի 115-րդ հոդվածի երկրորդ մասի «Ա» ենթակետով (սեռով պայմանավորված ինքնասպանության) և Վրաստանի ՔՕ 140-րդ հոդվածի առաջին մասով (Սեռական հարաբերություններ հաստատելը չափահաս՝ 16 տարեկանից ցածր անձի նախնական իմացությամբ):

Դատախազությունը օրենքով սահմանված ժամկետում դիմելու է Բաթումիի քաղաքային դատարան՝ մեղադրյալի նկատմամբ որպես խափանման միջոց կալանքը կիրառելու պահանջով։ Քրեական գործով նախաքննությունը շարունակվում է»,- նշվում է տեղեկատվության մեջ։