Վրաստանի դատախազությունը մեղադրանք է առաջադրել Թբիլիսիում գտնվող «Գլովո» առաքիչին առողջությանը դիտավորությամբ ծանր վնաս պատճառելու և մեկ անձի նկատմամբ հրազեն ապօրինի գնելու, պահելու և կրելու համար։ Տեղեկությունը տարածում է դատախազությունը։

«ՆԳՆ կատարած հետաքննությամբ պարզվել է, որ հուլիսի 6-ին Թբիլիսիում՝ Նուցուբիձեի 4-րդ միկրոշրջանի հարևանությամբ, մեղադրյալը ուղեկցող երկու անձանց հետ վիճաբանել է տուժողի հետ՝ առաքման ծառայության աշխատակցի հետ, որի ընթացքում նա ֆիզիկական ոտնձգություն է կատարել նրա վրա և հրազենից մի քանի կրակոցներով վիրավորել։

Նրան հեռակա մեղադրանք է առաջադրվել Վրաստանի քրեական օրենսգրքի 117-րդ հոդվածի առաջին մասով (դիտավորությամբ առողջությանը ծանր վնասվածք) և 236-րդ հոդվածի 3-րդ և 4-րդ մասերով (ապօրինի զենք-զինամթերք գնելը, պահելը և կրելը) իսկ պատժի չափը նախատեսում է ազատազրկում 4-7 տարի ժամկետով։

Դատախազությունը օրենքով սահմանված ժամկետում դիմում է դատարան՝ մեղադրյալի նկատմամբ խափանման միջոց կիրառելու միջնորդությամբ։

Ներքին գործերի նախարարությունը շարունակում է հետաքննությունը՝ մեղադրյալի հետ գտնվող անձանց կողմից հանցագործության մասին չհայտնելու փաստի առթիվ»,- ասված է դատախազության հաղորդագրության մեջ։