Դատախազությունը հետաքննություն է սկսել Գիորգի Բարամիձեի հայտարարության վերաբերյալ դավաճանության և սաբոտաժի փաստերի վերաբերյալ
«Միասնական ազգային շարժում» կուսակցության անդամ Գիորգի Բարամիձեի հայտարարության հետ կապված՝ Վրաստանի Գլխավոր դատախազությունը հայրենիքի դավաճանության և սաբոտաժի փաստով հետաքննություն է սկսել:
Ինչպես հայտնում են դատախազությունում, հետաքննության սկզբնավորման հիմք է հանդիսացել «Վետերանների գործերի պետական ծառայություն» դիմումը՝ Իագո Խվիչիայի «Վրաստանի ծնունդը» հեղինակային հաղորդման ընթացքում «Միասնական ազգային շարժման» անդամ Գիորգի Բարամիձեի կողմից Աբխազիայի պատերազմի և գերիների փոխանակման գործընթացի վերաբերյալ արված հայտարարության առնչությամբ:
Խոսքը «Ազգային շարժման» առաջնորդներից Գիա Բարամիձեի այն հայտարարության մասին է, ըստ որի՝ «Աբխազիայում պատերազմի ժամանակ վրացի զինվորականները գնդակահարում էին գերիներին, և աբխազական կողմն այդ պատճառով գերիներ չէր տալիս»:
«Հետաքննությունը սկսվել է Վրաստանի քրեական օրենսգրքի 307-րդ պրիմ և 318-րդ հոդվածներով, ինչը ենթադրում է հայրենիքի դավաճանություն և Վրաստանի պետական շահերին վտանգի ստեղծում: Քննչական մարմնում կիրականացվեն բոլոր անհրաժեշտ քննչական և դատավարական գործողությունները, որոնց արդյունքների մասին հանրությանը լրացուցիչ տեղեկատվություն կտրամադրվի», – նշված է դատախազության տարածած հաղորդագրության մեջ: