Երդվյալ ատենակալները մեղադրյալին մեղավոր են ճանաչել ծայրահեղ դաժանությամբ կատարված սպանության մեջ։ Տեղեկությունը տարածում է Վրաստանի գլխավոր դատախազությունը։

Գերատեսչության տվյալներով՝ Թբիլիսիի քաղաքային դատարանի երդվյալ ատենակալները քննարկել են գործը, որը կապված է եղել ծայրահեղ դաժանությամբ կատարված սպանության հետ։

«Դատաքննության ընթացքում պարզվել է, որ տուժողը երկարամյա հարաբերություններ է ունեցել մեղադրյալի հետ։ 2022 թվականի սեպտեմբերի 30-ին ամբաստանյալի տանը ծեծկռտուք է տեղի ունեցել, որի ժամանակ ամբաստանյալը դանակով վնասվածքներ է հասցրել տուժողի մարմնին, այնուհետև հետքերը ծածկելու համար դին դուրս է բերել տնից և թողել աղբամանի մոտ: Դատաքննության ընթացքում մեղադրող կողմը ներկայացրել է ապացույցներ, որոնց ամբողջությունը հաստատում է մեղադրյալի կողմից հանցագործության կատարումը և նրա հետագա գործողությունները՝ պատասխանատվությունից խուսափելու համար։

Երդվյալ ատենակալները, մանրամասն ուսումնասիրելով դեպքի հանգամանքներն ու ապացույցները, համոզվել են դատախազության դիրքորոշման հիմնավորվածության մեջ և մեղադրյալին մեղավոր են ճանաչել Քրեական օրենսգրքի 109-րդ հոդվածի «մ» ենթակետով (դիտավորյալ սպանություն, որը կատարվել է դաժան գործողություններ կատարելով).

Դատարանը ամբաստանյալին դատապարտել է 20 տարվա ազատազրկման»,- ասվում է Վրաստանի գլխավոր դատախազության տեղեկատվության մեջ։