Մեղադրյալներն ընդունել են իրենց մեղքը, պաշտպանական կողմի կողմից մեղադրական կողմի ապացույցներն անվիճելի են դարձել,- ասել է Միխեիլ Սաակաշվիլիի սահմանային անցման գործի դատախազ Լևան Վեփխվաձեն՝ խոսելով Սաակաշվիլիի գործով մեղադրյալների ազատ արձակման մասին։

Դատախազի խոսքով՝ մեղադրող կողմը կարծում է, որ խափանման ոչ խիստ միջոցը կապահովի նրանց պատշաճ վարքագիծը։ Ինչպես նշել է Լևան Վեփխվաձեն, կարևոր նոր հանգամանքներից մեկն այն է, որ մեղադրական կողմի ապացույցները պաշտպանական կողմը դարձրել է անվիճելի։

«Բացի այդ, ամբաստանյալներն իրենց մեղավոր են ճանաչել հանցանքի մեջ, ուստի պաշտպանական կողմի միջնորդությամբ մեղադրող կողմը համաձայնել է և կարծում է, որ ոչ խիստ խափանման միջոցը կապահովի նրանց պատշաճ վարքագիծը, և դատավորը նրանց սահմանել է 5000 լարի գրավ։ Վկաների, գրավոր եւ տեսաապացույցներն այլեւս չեն հետազոտվելու, քանի որ պաշտպանական կողմը բոլոր ապացույցները դարձրել է անվիճելի»,- ասաց դատախազը։

Դատավորի որոշմամբ Միխեիլ Սաակաշվիլիի գործով մեղադրյալներ Գիորգի Նարիմանիձեն, Էլգուջա Ցոմայան, Զուրաբ և Շալվա Ծոծորիաները ազատ են արձակվել դատարանի դահլիճից և նրանց սահմանվել է 5000-5000 լարի գրավ։