ԱՄՆ նախկին նախագահ Դոնալդ Թրամփին դատավորը սպառնացել է ձերբակալել, եթե նա հերթական անգամ խախտի տեղեկատվության գաղտնիությունը։ Դատավորի խոսքով՝ Թրամփին կարծես թե չեն խանգարում 1000 դոլար տուգանքները:

Վերոհիշյալ համաձայնագիրը նախկին նախագահին արգելում է հրապարակային մեկնաբանություններ անել երդվյալ ատենակալների, վկաների, դատավորների և դատախազների ընտանիքների վերաբերյալ։

Դատավորի խոսքով՝ նախկին նախագահը միտումնավոր շարունակում է խախտել գաղտնիության դրույթը, «ինչն ուղղակի հարձակում է օրենքի գերակայության վրա»։

Դոնալդ Թրամփը մինչ այժմ տուգանվել է 9000 դոլարով՝ սոցցանցերում հրապարակումների համար։ Այսօրվա դատավարության ժամանակ դատավորը Թրամփին տուգանեց ևս 1000 դոլարով և զգուշացրեց նրան բանտարկության մասին։

«Ես չեմ ուզում քեզ բանտ նստեցնել և ամեն ինչ անում եմ դրանից խուսափելու համար, բայց եթե դա անհրաժեշտ լինի, կանեմ»: Պարոն Թրամփ, կարևոր է, որ դուք հասկանաք, որ ամենաքիչը, որ ես ուզում եմ անել, ձեզ բանտ նստեցնելն է։ Դուք Միացյալ Նահանգների նախկին և, հնարավոր է, ապագա նախագահ եք»,- Դոնալդ Թրամփին դիմեց դատավոր Խուան Մերչանը։

Դատական ​​նիստում քննարկվում է Թրամփի դեմ հարուցված քրեական գործը։ Նա մեղադրվում է պոռնոաստղ Սթորմի Դենիելսին 130.000 դոլար վճարելու և այդ գումարը վարչական ծախսերի համար օգտագործելու մեջ: