Թբիլիսիի քաղաքային դատարանում ընթանում է Միխեիլ Սաակաշվիլիի պատժաչափի հետաձգման հարցով դատավարությունը։ Ինչպես հայտնի դարձավ դատարանում, դատավոր Գիորգի Արևաձեն գործին կցել է Սամխարաուլիի փորձաքննությունների ազգային բյուրոյի զեկույցը։

Խոսքը արդարադատության նախարարության պատվերով Լևան Սամխարաուլիի Փորձաքննությունների ազգային բյուրոյի եզրակացության մասին է, ըստ որի՝ Սաակաշվիլիի վերաբերյալ «Էմպաթիա» կենտրոնի ախտորոշումները հավաստի և անսխալական չեն։

Սաակաշվիլիի պաշտպանական կողմը դեմ էր գործին եզրակացություն ավելացնելուն։ Փաստաբանները պնդում էին, որ դա իրավական անհեթեթություն է, և դատավորը դրա համար հիմք չունի։

Դատավոր Գիորգի Արևաձեն դատաքննության ընթացքում բացատրեց, որ արդարադատության նախարարությունն իրավասու է նշանակել նշված փորձաքննությունը։