Թբիլիսիի սակրեբուլոյի «Ազգային շարժման» պատգամավոր Իրակլի Էձգվերաձեի և ևս երեքի անձի նկատմամբ խմբակային բռնության մեջ մեղադրվող վեց անձի, որպես խափանման միջոց է սահմանվել ազատազրկումը։ Թբիլիսիի քաղաքային դատարանի դատավոր Արսեն Կալատոզիշվիլին բավարարել է մեղադրող կողմի միջնորդությունը։

Ինչպես այսօրվա նիստում հայտարարեց դատախազը, ամբաստանյալները փորձել են թաքնվել, պատրաստվում էին լքել Վրաստանի սահմանը։ Բացի թաքնվելու վտանգից, մեղադրող կողմը խոսեց նաև վկաների վրա ճնշում գործադրելու և ապացույցների ոչնչացման վտանգների մասին։ Դատախազությունը նաև մատնանշել է գործում առկա ապացույցները, որոնք, ըստ մեղադրող կողմի դիրքորոշման, հաստատում են հանցագործությունը։

Փաստաբանները բացատրեցին, որ ամբաստանյալները թաքնվելու մտադրություն չեն ունեցել և գնում էին հարազատի մոտ։ Պաշտպանական կողմը խնդրել է իրեն ազատ արձակել առանց կալանքի, իսկ որպես այլընտրանք՝ գրավ կիրառել։ Ըստ պաշտպանական կողմի դիրքորոշման՝ գործում առկա ապացույցները չեն ապացուցում մեղադրյալի մեղքը։

Քննության տվյալներով՝ ամբաստանյալները, այս փուլում չբացահայտված այլ անձանց հետ միասին, Թբիլիսիի Գլդանի I միկրոշրջանի շենքերից մեկի շրջակայքում հարձակվել են չորս անձի վրա և ֆիզիկական բռնություն գործադրել նրանց դեմ։

Ձերբակալվածներին մեղադրանք է առաջադրվել Քրեական օրենսգրքի 126-րդ հոդվածի առաջին առաջին մասի «բ» և «գ» ենթակետերով (խմբակային և երկու և ավելի անձանց նկատմամբ կատարված բռնություն), որը նախատեսում է ազատազրկում մինչև երկու տարի ժամկետով։