Թբիլիսիի քաղաքային դատարանը կիսել է մեղադրող կողմի ներկայացրած ապացույցները և չորս անձի մեղավոր է ճանաչել իրավահավասարության խախտման և խմբով կատարված նվաստացուցիչ վերաբերմունքի համար,- հայտնում է Վրաստանի դատախազությունը։

Ըստ նրանց հաղորդման՝ դատական ​​նիստում հետազոտված ապացույցները հաստատել են, որ 2014 թվականի սեպտեմբերի 16-ին Սագարեջոյի շրջանի Լամբալո գյուղում ամբաստանյալները համարել են, որ տուժողը կնոջը ոչ հարիր է պահում, և նրան դրել են արժանապատվությունը ոտնահարող իրավիճակի մեջ, բառացի և ֆիզիկապես վիրավորել, ինչից հետո բռնի կերպով նստեցրել են մեքենան և տարել գյուղի կենտրոն, հասարակական հավաքի վայր։

«Գյուղացիների ներկայությամբ ամբաստանյալները նվաստացուցիչ խոսքերով են անդրադարձել տուժողին, վիրավորել նրան ու ասել, որ նա պետք է պատժվի կնոջը ոչ վայել պահվածքի համար։

Հանցավոր խմբի անդամների գործողությունները տուժողին բարոյական տառապանք են պատճառել, ինչի հետևանքով նա ինքնասպանություն է գործել 2014 թվականի սեպտեմբերի 18-ին։

Դատարանը բոլոր չորս անձանց մեղավոր է ճանաչել Վրաստանի քրեական օրենսգրքի 144-րդ հոդվածի 2-րդ մասի «ե» և «զ» ենթակետերով (նվաստացուցիչ վերաբերմունք, որը կատարվել է խմբով և սեռային հիմքով մարդկանց հավասարությունը խախտելու միջոցով) եւ դատապարտել ազատազրկման հինգ տարի վեց ամիս ժամկետով։

Նշենք, որ այս քրեական գործով մեղադրանք է առաջադրվել նաև մեկ անձի նկատմամբ՝ ազատությունից ապօրինի զրկելու և նվաստացուցիչ վերաբերմունքի համար, գործը քննվելու է Թբիլիսիի քաղաքային դատարանում՝ երդվյալ ատենակալների մասնակցությամբ», – նշվում է հաղորդագրության մեջ։