Իսրայելի պաշտպանության բանակի խոսնակ Դանիել Հագարն ասել է, որ Իրանի կողմից գիշերը Իսրայելի ուղղությամբ արձակված 300 տարբեր տեսակի անօդաչու թռչող սարքերի և հրթիռների 99%-ը չեզոքացվել է հակաօդային պաշտպանության կողմից։

«Սա շատ կարևոր ռազմավարական ձեռքբերում է»,- ասել է Հագարին։

Նրա խոսքով, Իրանը Իսրայելի ուղղությամբ 170 անօդաչու թռչող սարք է ուղարկել, որոնցից ոչ մեկը չի մտել Իսրայելի օդային տարածք, Իսրայելն ու նրա դաշնակիցները բոլորին ոչնչացրել են Իսրայելի օդային տարածքից դուրս։

Իսրայելի պաշտպանության բանակի խոսնակը նշել է, որ դրան զուգահեռ Իրանը Իսրայելի ուղղությամբ արձակել է 30 թեւավոր հրթիռ, սակայն դրանցից ոչ մեկը չի հասել Իսրայելի օդային տարածք, Իսրայելին հաջողվել է խոցել դրանցից 25-ը։

Բացի այդ, ըստ Հագարի, Իրանը 120 բալիստիկ հրթիռ է արձակել Իսրայելի վրա, որոնցից շատերը խոցվել են Arrow հակաօդային պաշտպանության համակարգի կողմից, թեև որոշ հրթիռներ կարողացել են շրջանցել Իսրայելի պաշտպանությունը և հարվածել Իսրայելի հարավում գտնվող Նևաթիմ ավիաբազային:

«Իրանը կարծում էր, որ կարող է կաթվածահար անել բազան և դրանով իսկ վնասել մեր օդային հնարավորությունները, բայց դա չկարողացավ: Օդային ուժերի ինքնաթիռները շարունակում են օդ բարձրանալ և վայրէջք կատարել բազայից՝ հարձակման և պաշտպանական առաքելությունների համար», – ասել է Հագարին։