Հանրային հեռարձակողի հրավերով Վրաստան է այցելում Դանիայի կառուցողական ինստիտուտի հիմնադիր, «Կառուցողական նորություններ» գրքի հեղինակ Ուլրիկ Հաագերուպը։

Այցի առաջին օրը Ուլրիկ Հաագերուպը Առաջին ալիքի պրոդյուսերների, խմբագիրների և լրագրողների համար կանցկացնի աշխատաժողով, որին նվիրված կլինի ամբողջ օրը և կներառի ինչպես գործնական, այնպես էլ տեսական գիտելիքների փոխանակում։ Վաղը՝ նոյեմբերի 18-ին, տեղի կունենա «Կառուցողական նորություններ» համաժողովը, որի նպատակն է գործընկեր կազմակերպությունների ներկայացուցիչներին ծանոթացնել կառուցողական լրագրության այն մոտեցմանը, որը Հանրային հեռարձակումն արդեն իսկ օգտագործում է գործնականում։

Համաժողովին կմասնակցեն միջազգային կազմակերպությունների, Կապի կարգավորող հանձնաժողովի, մեդիագրագիտության և մեդիա ոլորտում աշխատող կազմակերպությունների ներկայացուցիչներ։ Համաժողովը կներառի հրապարակային դասախոսություն և հարց ու պատասխանի ձևաչափ:

«Մենք վաղուց խոսում ենք կառուցողական լրագրության, դրա կարեւորության ու դերի մասին ժողովրդավարական պետության կառուցման գործընթացում»,- ասել է առաջին ալիքի գլխավոր տնօրեն Թինաթին Բերձենիշվիլին։

Հանրային հեռարձակողի լրագրողներից 11-ն արդեն վերապատրաստման դասընթաց են անցել Դանիայի կառուցողական լրատվական ինստիտուտում։ Առաջիկայում կմեկնեն եւս չորսը, իսկ մինչև տարեվերջ Առաջին ալիքի 18 լրագրողներ կվերապատրաստվեն կառուցողական լրագրության ուղղությամբ։

Հանրային հեռարձակողի արժեքները որոշում են նրա՝ որպես ինստիտուտի գոյության անհրաժեշտությունը ժողովրդավարական հասարակության մեջ։ Էկոլոգիական լրատվամիջոցները հասարակության կայուն զարգացման կարևոր նախապայմաններից են։