Դամասկոսում Իսրայելի ավիահարվածի հետևանքով երեք մարդ է զոհվել
Սիրիայի մայրաքաղաք Դամասկոսում Իսրայելի ավիահարվածի հետևանքով երեք մարդ է զոհվել։
Սիրիական կառավարական լրատվամիջոցների փոխանցմամբ՝ ավիահարվածի հետեւանքով երեք մարդ է վիրավորվել։
Համաձայն տարածված տեղեկությունների՝ Դամասկոսի Մազե թաղամասում գտնվող եռահարկ շենքը Գոլանի բարձունքներից իսրայելական հարձակման թիրախ է դարձել։
Տեղական լրատվամիջոցները գրում են, որ ավիահարվածի արդյունքում նյութական վնաս է հասցվել տարածքը շրջապատող մասնավոր գույքին։