Տեղեկություն է տարածվում Ղարաբաղում ռազմական գործողությունների հետեւանքով զոհվածների ու վիրավորների մասին։ Մասնավորապես, չճանաչված Լեռնային Ղարաբաղի «օմբուդսմենի» տվյալներով՝ Ադրբեջանի ռազմական գործողությունների արդյունքում առնվազն երկու մարդ է զոհվել, այդ թվում՝ մեկ երեխա։ Նաև վիրավորվել է 11 մարդ, որոնցից ութը երեխաներ են։

Միաժամանակ հայկական կողմը տեղեկատվություն է տարածում Ստեփանակերտում քաղաքացիական օբյեկտների ռմբակոծման մասին։ Ստեփանակերտ քաղաքն ադրբեջանական կողմն անվանում է Խանքենդի քաղաք։

Ադրբեջանի պաշտպանության նախարարությունն այսօր հայտարարել է Ղարաբաղում «հակաահաբեկչական միջոցառումների» մեկնարկի մասին։ Ադրբեջանի ՊՆ հայտարարության համաձայն՝ «Հայաստանի զինված ուժերի կազմավորումների կողմից ղարաբաղյան շրջանում ադրբեջանական բանակի դիրքերի համակարգված ռմբակոծումը, տարածքների շարունակական ականապատումը, ինժեներական աշխատանքների կատարումը, մարտական ​​դիրքերի բարելավման համար, ինչպես նաև խրամատների ավելացումը վերջին ամիսներին էլ ավելի մեծ լարվածության պատճառ են դարձել»։

Բացի այդ, Հայաստանի պաշտպանության նախարարությունը հայտնել է, որ Հայաստանի Հանրապետությունը Լեռնային Ղարաբաղում տեղակայված բանակ չունի։ Ղարաբաղում ստեղծված իրավիճակի հետ կապված՝ Հայաստանի վարչապետ Նիկոլ Փաշինյանը Անվտանգության խորհրդի նիստ է հրավիրել։