Չինաստանում թռչնագրիպի վիրուսով վարակվել է մեկ մարդ
21:17, 15.02.2018
Չինաստանում գրանցվել է թռչնագրիպի H7N4 վիրուսով մարդու վարակման առաջին դեպքը, հայտնում է Չինաստանի Առողջապահության եւ ծրագրային մանկածնության գործերով պետական կոմիտեն:
Վարակվածը Ցզյանսու նահանգի Չանչժոու գավառի Լիյան շրջանում բնակվող 68-ամյա կին է:
Նշվում է, որ անցյալ տարվա դեկտեմբերի վերջին կինը շփվել է կենդանի թռչնի հետ, որից հետո դեկտեմբերի 25-ին նրա մոտ մրսածության հիվանդության ախտանիշներ են հայտնվել: Այս տարվա հունվարի 1-ին նա հիվանդանոց է ընդունվել, որտեղ ախտորոշել են ծանր թոքաբորբ, հունվարի 22-ին կինը բուժհաստատությունից դուրս է գրվել:
Չինաստանում թռչնագրիպի վիրուսի առավել տարածված տեսակը H7N9-ն է, որի հետեւանքով 2013 թվականին մահացել է ոչ պակաս, քան 600 մարդ:
