Չինաստանի Ժողովրդական Հանրապետության Պետական խորհրդի վարչապետ Լի Ցյանը շնորհավորում է Վրաստանի վարչապետ Իրակլի Կոբախիձեին Վրաստանի անկախության օրվա կապակցությամբ։ Այս մասին հայտնում է Վրաստանի կառավարության վարչակազմը։

Շնորհավորական նամակում Լի Ցյանը ընդգծում է երկու երկրների միջև ռազմավարական գործընկերության զարգացումը։

«Ցանկանում եմ սրտանց շնորհավորել Վրաստանի անկախության օրը և մաղթել ամենայն լավը Ձեզ և Վրաստանի կառավարությանը։ Վերջին տարիներին Չինաստան-Վրաստան ռազմավարական գործընկերությունը պահպանում է դրական դինամիկա, իսկ երկկողմ համագործակցությունը «Մեկ գոտի – մեկ ճանապարհ» նախաձեռնության շրջանակում՝ պտղաբեր է։ Պատրաստ եմ Ձեզ հետ շարունակել համատեղ ջանքերը՝ ապահովելու փոխշահավետ համագործակցության կայուն առաջընթացը և Չինաստան-Վրաստան հարաբերությունների հետագա խորացումը։ Վրաստանին մաղթում եմ բարգավաճում, իսկ վրաց ժողովրդին՝ երջանկություն», – նշված է Լի Ցյանի շնորհավորական նամակում։