Չինաստանի նախագահ. Նրանք, ովքեր խաղում են կրակի հետ, մահանում են, հուսով ենք, որ ամերիկյան կողմը դա հստակ տեսնում է
Նրանք, ովքեր խաղում են կրակի հետ, մահանում են, հուսով ենք, որ ամերիկյան կողմը դա հստակ տեսնում է,- ԱՄՆ նախագահ Ջո Բայդենին հեռախոսազրույցի ժամանակ ասել է Չինաստանի նախագահ Սի Ցզինպինը։ Երկու երկրների առաջին դեմքերի հեռախոսազրույցը տեւել է երկու ժամ։
Ըստ լրատվամիջոցի՝ զրույցի ընթացքում հատուկ ուշադրություն է դարձվել Թայվանի խնդրին։ Ըստ չինական լրատվամիջոցների՝ Սի Ցզինպինը Բայդենի հետ զրույցի ժամանակ ընդգծել է, որ Ամերիկան պետք է պահպանի «մեկ Չինաստանի սկզբունքը», և որ Պեկինը կտրականապես դեմ է Թայվանի անկախությանը և օտար ուժերի միջամտությանը։
Սպիտակ տան տարածած հայտարարության մեջ նախագահ Բայդենն ընդգծել է, որ Թայվանի նկատմամբ ԱՄՆ քաղաքականությունը չի փոխվել, և պաշտոնական Վաշինգտոնը կտրականապես դեմ է ստատուս քվոն փոխելու կամ Թայվանի նեղուցում խաղաղությունն ու կայունությունը խաթարելու միակողմանի ջանքերին։