Չինաստանի արտաքին գործերի նախարարությունը կոչ է արել Ճապոնիային դադարեցնել ուժի ցուցադրումը և հիշել իր ագրեսիայի պատմությունը։

Չինական լրատվամիջոցների տվյալներով՝ Ճապոնիան պատրաստվում է մասնակցել ԱՄՆ-Ֆիլիպինների համատեղ զորավարժությունների, իսկ անցյալ շաբաթ ճապոնական ականակիր նավը անցել է Թայվանի նեղուցով՝ դեպի զորավարժությունների տարածք ուղևորվելիս։

«Երկրորդ համաշխարհային պատերազմի ժամանակ Ճապոնիան ներխուժել և գաղութացրել է Հարավարևելյան Ասիայի երկրները, այդ թվում՝ Ֆիլիպինները, և այդպիսով կրել է ծանր պատմական պատասխանատվություն։ Ճապոնիան պետք է լրջորեն մտածի իր ագրեսիայի պատմության մասին և իմաստուն կերպով գործի ռազմական և անվտանգության ոլորտներում՝ ամենուր ռազմական ուժ տարածելու և տարածաշրջանային կայունությունը խաթարելու փոխարեն», – ասել է Չինաստանի արտաքին գործերի նախարարության խոսնակ Գուո Ցզյակունը։