Չինաստանի արտաքին գործերի նախարարության խոսնակ Լին Ցզյանը հայտարարել է, որ Չինաստանին Իրանին ռազմական օգնություն ցուցաբերելու մեջ մեղադրող լրատվամիջոցների հաղորդագրությունները լիովին կեղծված են։

Նրա խոսքով, եթե Վաշինգտոնը շարունակի բարձրացնել մաքսատուրքերը՝ հիմնվելով այս մեղադրանքների վրա, Չինաստանը նույնպես անգործ չի մնա։

«Եթե ԱՄՆ-ն շարունակի բարձրացնել մաքսատուրքերը Չինաստանի նկատմամբ՝ հիմնվելով այս մեղադրանքների վրա, Չինաստանը կձեռնարկի պատասխան միջոցներ», – գրել է Լին Ցզյանը սոցիալական ցանցերում։

Sky News-ի տվյալներով՝ պարզ չէ, թե ինչ հաղորդագրությունների մասին էր խոսում Չինաստանի արտաքին գործերի նախարարության խոսնակը։ Սակայն, հղում անելով ԱՄՆ հետախուզական աղբյուրներին, CNN-ը հաղորդել է, որ Չինաստանը պլանավորում է առաջիկա շաբաթներին Իրանին մատակարարել նոր հակաօդային պաշտպանության համակարգեր։

Նյու Յորք Թայմսի տվյալներով՝ հղում անելով ԱՄՆ պաշտոնյաներին, հետախուզական գործակալությունները գնահատում են, թե արդյոք Չինաստանը վերջին շաբաթներին հրթիռներ է մատակարարել Իրանին։ Դոնալդ Թրամփը հայտարարել է, որ եթե գնահատականը ճիշտ լինի, նա լրացուցիչ 50% մաքսատուրք կսահմանի չինական ապրանքների վրա։