Այսպես կոչված դատավարությունը ԱՄՆ ներքին դատարանում լրջորեն խախտում է Վենեսուելայի ազգային ինքնիշխանությունը, ասել է Չինաստանի արտաքին գործերի նախարարության խոսնակ Մաո Նինգը։

Նրա խոսքով՝ ԱՄՆ գործողությունները խաթարում են միջազգային հարաբերությունների կայունությունը։

«Միացյալ Նահանգները անտեսել է Վենեսուելայի նախագահ Նիկոլաս Մադուրոյի կարգավիճակը՝ որպես պետության ղեկավար՝ նրան բացահայտ մեղադրանք առաջադրելով և այսպես կոչված դատավարություն անցկացնելով սեփական դատարանում, ինչը կոպտորեն խախտել է Վենեսուելայի ազգային ինքնիշխանությունը։ Այն նաև խաթարում է միջազգային հարաբերությունների կայունությունը։ Ոչ մի երկիր չի կարող իր սեփական կանոնները դնել միջազգային իրավունքից վեր։ Չինաստանը կոչ է անում Միացյալ Նահանգներին անհապաղ ազատ արձակել նախագահ Մադուրոյին և նրա կնոջը և ապահովել նրանց անձնական անվտանգությունը», – ասել է Մաո Նինգը։