Չինաստանի Ժողովրդական Հանրապետության առաջատար ավիաընկերություններից մեկը՝ China Southern Airlines-ը, կվերսկսի կանոնավոր օդային հաղորդակցությունը Վրաստանի ուղղությամբ։

Քաղաքացիական ավիացիայի գործակալության տվյալներով՝ Ուրումչի-Թբիլիսի-Ուրումչի ավիագծով կանոնավոր չվերթները կսկսվեն 2023 թվականի հունվարից։

Վրաստանի Քաղաքացիական ավիացիայի գործակալությանը ներկայացված դիմումի համաձայն՝ Ուրումչի-Թբիլիսի կանոնավոր չվերթները կիրականացվեն շաբաթական մեկ անգամ՝ յուրաքանչյուր ուրբաթ՝ մինչև ձմեռային նավագնացության սեզոնի ավարտը՝ մինչև 2023 թվականի մարտի 25-ը։

Այս տարվա դեկտեմբերի 23-ին գործակալությունը ավիաընկերությանը կանոնավոր օդային երթեւեկության համար անհրաժեշտ թույլտվություն է տվել։

China Southern Airlines ավիաընկերությունը դադարեցրել է թռիչքները դեպի Վրաստան 2020 թվականի հունվարին՝ «Covid-19» վարակի հետ կապված համաճարակի պատճառով։ Վերջին կանոնավոր չվերթը դեպի Վրաստան իրականացվել է 2020 թվականի հունվարի 23-ին։